ఈ తిక్కేంటి రా నీకు ముక్కంటి?!

అమ్మా బాబులు ఎవరో తెలియదు

అక్కచెల్లెళ్ళు అసలే లేరు

ఆలి వంక బందువుల ఆసరా లేదు

ఈ తిక్కేంటి రా  నీకు ముక్కంటి.?!

కమలాసనుడు ఒకరు

కడలి పైన కమలనాభుడు ఒకరు

ఖర్మ కాకుంటే కాటి భతుకు నీకేంటి?

ఈ తిక్కేంటి నీకు.. .

సడువులున్న గీర్వాణి సతి ఒకరికి

సకలసంపదల రాణి సతి ఒకరికి.

ఏ అండ లేని బండోడి  కూతురు నీకు సతి ఏమిటి.?!

ఈ తిక్కేంటి. . .

పసిడి నగలు మాని పాములేల.?

పట్టుబట్టలు కాక పులిచర్మలేమిటి.?

పునుగు జవ్వాది కాక బూడిదళు  ఎందుకురా?

ఈ తిక్కేంటి రా నీకు . .

హంస ఎక్కి తిరుగు ఆ ముసలి బ్రహ్మ

గరుడ వాహనము గడుసరి విష్ణువుకి

కదలక మొరాయించే ఈ ఎనుపోతు నీకేల.?

ఈ తిక్కేంటి రా.. ..

చిలికి సంద్రాన్ని సురాసురులు

సిరిని హరికి ఇచ్చి  సుధను అందరు పొందే

గతి లేని వాడిలా ఈ గరలమెందుకు రా నీకు

ఈ తిక్కేంటి రా. .

తనకు తోచిన రాతలు ఒకరు రాస్తారు

తాలుకు బెళుకుల భతుకు ఒకరు ఇస్తే

తలయారిలాగా ప్రాణాలు తీసే గతి నీకేంటి?

ఈ తిక్కేంటి రా .

మనసుపడిన తల్లి తన నలుగుతో

నలుసుగా ఒక శిశువు చేసుకుంటే

మనసెరగని వాడిలా ఉసురు తీస్తివి నీవు ?

ఈ తిక్కేంటి రా .

సురలు, ఋషులు కిన్నెర

కింపురుషులు, సకలదేవతలు కంటే

ఇంపుగా ఉంటిర ఈ బూత ప్రేతములు?

ఈ తిక్కేంటి..

క్షీనా చంద్రుడు నీకు సిగపువ్వా?

నీరుకారే కురులు నీలామ్బరాలు

సగముపగిలిన పుర్రె నీకు భక్ష్య పాత్రలా.?
ఈ తిక్కేంటి రా నీకు ముక్కంటి?!